Iłanu Masku dazvolili pabudavać chutkasny «padziemny tramvaj» u Čykaha VIDEA
Zasnavanaja viadomym vynachodnikam Iłanam Maskam kampanija The Boring Company atrymała nieabchodnyja dazvoły dla budaŭnictva ŭ Čykaha vysakachutkasnaj padziemnaj transpartnaj sistemy, jakaja budzie złučać centr horada ź miascovym aeraportam, paviedamlaje Chicago Tribune.
Mer Čykaha Rachm Emanuel abraŭ mienavita kampaniju Maska siarod čatyroch kankurujučych prapanoŭ.
Płanujecca, što pasažyry zmohuć padarožničać z centra Čykaha ŭ aeraport usiaho za 12 chvilin. Čakajecca, što kvitok budzie kaštavać ad 20 da 25 dalaraŭ. Kožny transpartny srodak budzie pieravozić da 16 pasažyraŭ, a taksama ich bahaž. Kančatkovy maršrut dla chutkasnych tunelaŭ jašče nie vyznačany.
The Boring Company prahnazuje, što realizacyja prajekta budzie kaštavać mienš čym 1 miljard dalaraŭ. Usie vydatki biare na siabie kampanija Maska, a naŭzamien The Boring Company choča zabirać sabie ŭsie dachody ad rekłamy, tranzitnych zboraŭ, prodažu kvitkoŭ i aksiesuaraŭ.
Kamu buduć naležać pabudavanyja Maskam padziemnyja tuneli, jašče nieviadoma. Krynica adznačaje, što administracyja Čykaha płanuje pieradać ich u doŭhaterminovuju arendu kampanii Maska.
