Turcyja zapuściła hazapravod u abychod Rasii
U tureckaj pravincyi Eskišechir adbyłosia ŭračystaje adkryćcio hazapravoda TANAP, jaki budzie transpartavać pryrodny haz z Azierbajdžana ŭ Turcyju, a adtul u Jeŭropu.
«TANAP — vynik našych ahulnych namahańniaŭ, a taksama pradvieśnik novych prajektaŭ», — abviaściŭ padčas cyrymonii prezident Turcyi Redžep Taip Erdahan i nahadaŭ, što hety hazapravod taksama nazyvajuć enierhietyčnym šaŭkovym šlacham. Pa słovach tureckaha lidara, pieršapačatkovaja prapusknaja mahutnaść trubapravoda składzie 16 miljardaŭ kubamietraŭ hazu ŭ hod, bolšaja častka hazu (10 miljardaŭ) pojdzie ŭ Jeŭropu.
TANAP źjaŭlajecca alternatyvaj rasijskamu prajektu pastaŭki hazu ŭ Jeŭropu — trubapravodu «Turecki patok». TANAP — častka Paŭdniovaha hazavaha kalidora. Miarkujecca, što praź jaho budzie pastaŭlacca paliva z Kaśpijskaha rehijona praz Hruziju i Turcyju ŭ krainy Jeŭrasajuza.
