Namieśnika staršyni rajona ŭ Minsku vybirali praz adkryty konkurs
Konkurs na zamiaščeńnie vakantnaj pasady namieśnika kiraŭnika administracyi Kastryčnickaha rajona stalicy, jaki kuryruje pytańni ŽKH, adbyŭsia 11 červienia, paviedamiła karespandentu ahienctva «Minsk-Naviny» načalnik upraŭleńnia arhanizacyjna-kadravaj raboty Minharvykankama Iryna Januševič.
Adkryty konkurs na dziaržaŭnuju pasadu — namieśnika kiraŭnika administracyi Kastryčnickaha rajona Minska — Minharvykankam abjaviŭ 21 maja. Termin padačy dakumientaŭ ad udzielnikaŭ zaviaršyŭsia 1 červienia. Pastupiła 17 zajavak, adnak poŭny pakiet dakumientaŭ padali 10 čałaviek, troje ź jakich nie padyšli pa kvalifikacyi. U vyniku konkursnaja kamisija, stvoranaja pry Minharvykankamie, na papiaredniaj hutarcy razhladała 7 pretendentaŭ na vakansiju. Usie jany — kiraŭniki arhanizacyj žyllova-kamunalnaj haspadarki i staršyni praŭleńnia tavarystvaŭ ułaśnikaŭ.
— Pa vynikach sumoŭja dla ŭdziełu ŭ konkursie byli abranyja dva kandydaty, pryčym adzin ź ich — z Bresta. U vyniku ŭ konkursie na zamiaščeńnie vakantnaj pasady namieśnika kiraŭnika administracyi Kastryčnickaha rajona pieramoh kiraŭnik KUP ŽKH adnaho z rajonaŭ Minska. Ciapier jamu treba budzie zdać ekzamien dla asob, jakija ŭpieršyniu pastupajuć na dziaržaŭnuju słužbu, paśla čaho, jak miarkujecca na hetym tydni, projdzie pryznačeńnie, — skazała I. Januševič.
