Pucin prakamientavaŭ razmovu z Parašenkam: «Kazać pra abmien źniavolenymi pakul zaŭčasna»
Archiŭnaje fota.
Prezident Rasii Uładzimir Pucin zajaviŭ, što «pakul zaŭčasna» kazać pra abmien źniavolenymi i aryštavanymi pamiž Rasijaj i Ukrainaj, ale paćvierdziŭ, što hetaje pytańnie ŭzdymałasia padčas jaho telefonnaj razmovy z prezidentam Ukrainy Piatrom Parašenkam ŭ subotu.
Adkazvajučy na pytańni žurnalistaŭ u Kitai, Pucin skazaŭ, što razmova adbyłasia pa inicyjatyvie Parašenki, i heta, na dumku rasijskaha prezidenta, moža śviedčyć pra toje, što Ukraina «zacikaŭlenaja va ŭrehulavańni», piša «Svaboda».
Jak skazaŭ Pucin, jon pa svajoj inicyjatyvie padniaŭ pytańnie pra los abvinavačanaha va Ukrainie ŭ dziaržaŭnaj zdradzie žurnalista Kiryły Vyšynskaha.
Administracyja Parašenki raniej paviedamlała, što prezident patelefanavaŭ Pucinu, kab padniać pytańnie ŭkrainskich palitviaźniaŭ u Rasii.
Pa słovach Pucina, jon pakul nie choča kazać pra abmien, «kab ničoha tut nie parušyć i ničamu nie pieraškodzić».
Čakajecca, što ŭ bližejšyja dni ŭpaŭnavažany Viarchoŭnaj Rady Ukrainy pa pravach čałavieka naviedaje ŭ Rasii Aleha Siancova, jaki trymaje haładoŭku za vyzvaleńnie palitviaźniaŭ i inšych ukrainskich hramadzian.