Łukašenka: My nie suprać pryvatyzacyi, ale jana nie pavinna być abvalnaj
Pra heta Alaksandr Łukašenka zajaviŭ siońnia na sustrečy ź vice-prezidentam Jeŭrapiejskaha banka rekanstrukcyi i raźvićcia Ałanam Piju, piša BiełTA.
«Vy viedajecie našy padychody da pryvatyzacyi dziaržaŭnaj ułasnaści, abjektaŭ. Ja nie dumaju, što maje pohlady na pryvatyzacyju nosiać niejki admysłovy charaktar i ŭžo zanadta adroźnivajucca ad tych padychodaŭ, jakija prapavieduje Jeŭrapiejski bank. My absalutna nie suprać pracesaŭ pryvatyzacyi, heta całkam naturalnaja norma. Ale my zychodzim z taho, jak, napeŭna, i ŭsie razumnyja ludzi, što, kali dziaržava nie moža kiravać niejkimi aktyvami, kali dziaržavie nie da hetych aktyvaŭ, treba addać ich efiektyŭnamu ŭłaśniku. My z hetaha sychodzim, i heta hałoŭnaje. My suprać abvalnaj i šokavaj pryvatyzacyi. Heta sutnaść našaha padychodu», — padkreśliŭ Alaksandr Łukašenka.