FIFA zabaraniła rasijskaj śpiavačcy Čyčerynaj vystupać na ČS-2018, jana ŭ adkaz abazvała ich «futbołabanderaŭcami»
Mižnarodnaja fiederacyja futboła (FIFA) zabaraniła rasijskaj śpiavačcy Julii Čyčerynaj vystupać na fiestyvali zaŭziataraŭ ČS-2018 u Rastovie-na-Donie, havorycca ŭ paviedamleńni na staroncy Čyčerynaj u fejsbuku. Svajo rašeńnie FIFA patłumačyła tym, što śpiavačka raniej vystupała ź pieśniami vajennaj tematyki.
U liście ad FIFA, jakoje Čyčeryna apublikavała ŭ fejsbuku, havorycca, što na futbolnych mierapryjemstvach pad ehidaj arhanizacyi zabaroniena zakranać palityčnyja, vajennyja i relihijnyja temy. «Hetaja śpiavačka asacyjujecca z vajennaj temaj, navat kali nie budzie vykonvać pieśni pra vajnu na fiestyvali», - havorycca ŭ liście, padpisanym mieniedžaram FIFA Fan Fest ŭ Rasii Kaciarynaj Saŭčanka. U liście taksama zhadvajecca klip Čyčerynaj «Na pieradavoj», pryśviečany situacyi na Danbasie.
«Dziakuj bohu, «futbołabanderaŭcy «zabaranili mianie ŭ Rastovie, za sotniu kiłamietraŭ ad jakoha ŭ šmatpakutnaj Horłaŭcy dzieci śpiać u vannych, kab ich unačy nie pasiekli askiepkami. Šmat chto na Danbasie ličać, što ruskija nie prychodziać na dapamohu svaim z-za hetaj futbolnaj vakchanalii», - napisała Čyčeryna, kamientujučy rašeńnie FIFA.