Rasiejcy nie addaduć nam bijatlanista
Były kapitan zbornaj Rasii pa bijatłonie Siarhiej Ražkoŭ nie budzie vystupać za zbornuju Biełarusi.
Były kapitan zbornaj Rasii pa bijatłonie Siarhiej Ražkoŭ nie budzie vystupać za zbornuju Biełarusi.Pra heta paviedamiŭ prezident Sajuza bijatłanistaŭ Rasii Alaksandr Cichanaŭ. Jon adznačyŭ, što SBR ni ŭ jakim razie nie vydaść dazvoł na pierachod Ražkova ŭ našu zbornuju.
“My mnoha addavali spartoŭcaŭ u inšyja krainy. Hodzie, chaj pracujuć sami.Addavać spartoŭcaŭ u inšyja krainy, kali da Alimpijady zastałosia paŭtara hoda, my nie žadajem i nie budziem”, — zajaviŭ Cichanaŭ u intervju vydańniu “Ŭvieś sport”. Pavodle jaho słoŭ, rasijski bok nie atrymlivaŭ nijakich zapytaŭ nakont pierachodu Siarhieja Ražkova ŭ biełaruskuju zbornuju.
Miž tym, sam Ražkoŭ na staronkach časopisa “Łyžny sport”, nazvaŭ vykazvańnie Cichanava łuchtoj, pakolki “asabista pakłaŭ zajavu ab pierachodzie na stoł prezidenta SBR”. U toj ža čas dziaržaŭny trenier biełaruskaj zbornaj pa bijatłonie Alaksandr Bialajaŭ zajaviŭ, što Biełaruś nakiroŭvała zapyt rasijskamu Sajuzu, adnak adkazu na jaho nie atrymała.
Nahadajem, u pačatku minułaha siezona Ražkoŭ admoviŭsia padpisać dekłaracyju Sajuza bijatłanistaŭ Rasii, što źjaŭlałasia praciaham kanfliktu pamiž spartoŭcami nacyjanalnaj kamandy i prezidentam SBR Alaksandram Cichanavym. U vyniku bijatłanista nie ŭziali ŭ zbornuju. U adkaz na heta Ražkoŭ vykazaŭ žadańnie pierajechać u Biełaruś.