Charvi Vajnštejn aryštavany
New York Post
Pradziusara Charvi Vajnštejn byŭ aryštavany paśla taho, jak dobraachvotna źjaviŭsia ŭ palicejski ŭčastak u Ńju-Jorku ranicaj 25 traŭnia, paviedamlaje CNN sa spasyłkaj na krynicu, blizkuju da rasśledavańnia.
JUST IN: Weinstein turns himself into police https://t.co/9CO2hvCSlX
Vajnštejna abvinavačvajuć u zhvałtavańni adnoj žančyny i prymusie druhoj da aralnaha seksu. Čakajecca, što paźniej u piatnicu jon paŭstanie pierad sudom u Manchetenie, dzie budzie vyrašacca pytańnie ab zakładzie.
Jak paviedamlali krynicy New York Times, Vajnštejn zahadzia damoviŭsia ab vyzvaleńni pad zakład u miljon dalaraŭ i padpisku ab niavyjeździe. Da suda Vajnštejn pavinien budzie nasić śpiecyjalny elektronny branzalet sačeńnia.
Žančyn, jakija abvinavacili Vajnštejna ŭ damahańniach abo zhvałtavańni, niekalki dziasiatkaŭ. Pieršaje abvinavačvańnie prahučała vosiem miesiacaŭ tamu.
U minułym hodzie bolš za 20 kinaaktrys raspaviali pra seksualnyja damahańni z boku 65-hadovaha Vajnštejna, jakija mieli miesca ŭ minułym.
U ich liku Anželina Džoli, Hviniet Pełtroŭ i Roŭz Makhoŭen. Apošniaja taksama śćviardžaje, što pradziusar zhvałciŭ jaje ŭ numary haścinicy.
