Ukraina zabaraniła ŭjezd nobieleŭskamu łaŭreatu ź Biełarusi da kanca žyćcia
Ukraina zabaraniła ŭjezd na svaju terytoryju nobieleŭskamu łaŭreatu, vychadcu ź Biełarusi Žaresu Ałfioravu. Jak adznačajecca ŭ adpaviednym rašeńni Rady nacyjanalnaj biaśpieki i abarony Ukrainy, hetaja sankcyja budzie dziejničać u dačynieńni 88-hadovaha navukoŭca biesterminova, piša Radyjo Svaboda.
Raniej Žares Ałfioraŭ byŭ uklučany ŭ bazu sajtu «Miratvorac» za toje, što «naŭmysna nieadnarazova niezakonna pierasiakaŭ dziaržaŭnuju miažu Ukrainy pry ŭjeździe na akupavanuju terytoryju Aŭtanomnaj Respubliki Krym».
Aproč taho, u pieralik asobaŭ, jakim zabaronieny ŭjezd na terytoryju Ŭkrainu, trapili taksama niekalki krymčan, biełarusaŭ pavodle miesca naradžeńnia — jany padčas apošnich vybaraŭ prezydenta Rasiei pracavali ŭ składzie vybarčych kamisij na terytoryi Krymu ad partyi «Adzinaja Rasieja».
