Nazvany najhoršy rok-muzykant usich časoŭ. Vynik čakany
AFP
Partał Vulture skłaŭ rejtynh z 214 muzykaŭ, jakija ŭvajšli ŭ Zału słavy rok-n-rołu. Samy nižni radok u śpisie zaniaŭ amierykaniec Džon Bon Džovi i jaho hurt Bon Jovi.
Pa słovach muzyčnych krytykaŭ, udzielniki Bon Jovi hrajuć nie ŭ rok-hurcie, a ŭ filmie pra rok-hurt, i za 30 ź lišnim hadoŭ isnavańnia kalektyvu jany nie vypuścili nivodnaha chita. Buntarski styl rokieraŭ aŭtary śpisu paličyli zališnie pretencyjoznym i falšyvym.
213-y radok rejtynhu zaniaŭ hurt Queen, nazvany «samym pieraacenienym kalektyvam u historyi pop-muzyki». Adznačajecca, što ŭ ZŠA słava kalektyvu chutka prajšła i znoŭ zahavaryli pra jaho tolki paśla śmierci frontmena Fredzi Merkjury. Treciaj najhoršaj hrupaj u historyi rok-n-rołu stała stvoranaja ŭ 1973 hodzie Journey, jana apynułasia na 212-m miescy.
Najlepšym rok-muzykam, jaki ŭvajšoŭ u Zału słavy, krytyki pryznali Čaka Bery, jaki pamior u sakaviku 2017-ha va ŭzroście 90 hadoŭ.
Jaho abviaścili zasnavalnikam roku i adnym z samych važnych pradstaŭnikoŭ amierykanskaj kultury XX stahodździa.
Na druhim radku — brytanski kalektyŭ The Beatles. Treciaje miesca zaniaŭ Bob Dyłan. U top-10 taksama trapili Ełvis Preśli, Džejms Braŭn, Pryns, hrupy Ramones i Nirvana, śpiavak Badzi Choli i bluzmen Madzi Uoters.
