U Kasucie na Vilejščynie nieviadomyja vyvieźli infarmacyjny stend pra viosku, hietmana Pilipa Orlika i Raścisłava Łapickaha
Zdareńnie adbyłosia ŭ vioscy Kasuta, na radzimie ŭkrainskaha hietmana Pilipa Orlika. Źniščany stend ź infarmacyjaj pra aŭtara pieršaj ukrainskaj kanstytucyi.
Złačynstva było ździejśniena pamiž 27 i 30 krasavika, prykładna za miesiac da dnia śmierci Pilipa Orlika. Štohod 24 maja ŭkrainskija i biełaruskija patryjoty pryjazdžajuć ŭ viosku Kasuta, kab ŭšanavać pamiać syna biełaruskaj ziamli i hieroja Ukrainy.
Na stendzie była raźmieščanaja infarmacyja pra historyju vioski i bijahrafija ŭkrainskaha hramadska-palityčnaha i vajskovaha dziejača, hietmana Zaparožskaha vojska Pilipa Orlika.
Stend byŭ ustalavany vilejskimi krajaznaŭcami 2 vieraśnia 2015 hoda la kamienia ŭ pamiać Pilipa Orlika, na miescy, dzie ŭkraincy źbirajucca pastavić pomnik hietmanu.
Stend nie złamali, a vykapali i vyvieźli na aŭtamabili. Na dumku siabraŭ vilejskaj supołki tavarystva achovy pomnikaŭ, stend źnieśli z palityčnych pryčyn.
Niekalkimi dniami raniej nieviadomyja zakleili na stendeje infarmacyju pra hieroja moładzievaha supracivu Raścisłava Łapickaha.
U Kasucie pad Vilejkaj niechta zakleiŭ nadpis «Łapicki — hieroj Nacyjanalnaha Cupraciŭleńnia» FOTA
