Pad Minskam znajšli pamierłaha mužčynu ź dziŭnymi tatuiroŭkami. Treba vyśvietlić, chto heta
Trup mužčyny znachodziŭsia ŭ lesapałasie na bierazie kanała Vilejska-Minskaj vodnaj sistemy kala čyhunačnaha prypynku «Chmieleŭka». Bačnych prykmiet hvałtoŭnaj śmierci vyjaŭlena nie było, paviedamlaje minskaja abłasnaja milicyja.
Asoba mužčyny i pryčyny śmierci vyśviatlajucca.
Zahinułamu na vyhlad 50—70 hadoŭ, rost 170—175 sm, vałasy ciomnaha koleru. Jon byŭ apranuty ŭ ciomna-sini džiempier, fijaletavyja spartyŭnyja štany. Asablivyja prykmiety — tatuiroŭki: na levym pieradpleččy — tvar žančyny, na levaj kiści — jakar i sonca, na pravym ściahnie — aholenaja žančyna, na levym ściahnie — kryž z dubovymi listami i čerap.
Supracoŭniki kryminalnaha vyšuku Minskaha RUUS prosiać usich, chto moža dapamahčy ŭ vyśviatleńni asoby pamierłaha abo vałodaje jakoj-niebudź infarmacyjaj, źviazacca z pravaachoŭnymi orhanami.