Nasupierak žadańniu Kałamojskaha ekspart biełaruskaha paliva va Ukrainu abmiežavany nie budzie
Mižviedamasnaja kamisija pa mižnarodnym handli (MKMT) pryniała rašeńnie ab niemetazhodnaści śpiecyjalnaha rasśledavańnia pa inicyjatyvie kampanii Ukrtatnafta (Kremienčuhski naftapierapracoŭčy zavod, Pałtaŭskaja vobłaść) adnosna rostu abjomaŭ impartnych naftapraduktaŭ, paviedamlaje pres-słužba Minekanomiki Ukrainy.
U Minekanomiki adznačyli, što vytvorčaść matornych palivaŭ va Ukrainie ažyćciaŭlajuć tolki dva zavody ź siami isnujučych, a mienavita: Kremienčuhski NPZ i Šabielinski HPZ. Adnak najaŭnyja vytvorčyja mahutnaści nie zdolnyja całkam zadavolić popyt spažyŭcoŭ u matornych palivach.
Takim čynam, rynak paliva bolš čym na 80% zaležyć ad impartnych pastavak, jakija pastupajuć jak ź Biełarusi i Rasii, tak i z krain ES Litvy, Polščy.
Nahadajem, što kampanija Ukrtatnafta prasiła Minekanamraźvićcia Ukrainy ŭvieści kvoty na impart va Ukrainu bienzinaŭ i dyzielnaha paliva z 1 maja 2018 hoda, u tym liku i ź Biełarusi.
