U Mahilovie na premjeru novaj stužki «Biełaruśfilma» sahnali stolki školnikaŭ, što nie chapiła miescaŭ
U Mahilovie na premjerny pakaz u kinateatry «Radzima» novaj stužki kinastudyi «Biełaruśfilm» sahnali školnikaŭ. U vyniku pakaz filma pra pryvabnaść słužby ŭ vojsku «Nie hulnia» prajšoŭ pry anšłahu.
Jašče za dźvie hadziny da sieansa na sajcie elektronnaha braniravańnia nie było nabyta ni adnaho kvitka. Ale za dziesiać chvilin da pačatku była vykuplena amal usia zała, nastaŭniki stajali ŭ čarzie, kuplajučy adrazu pa dvaccać kvitkoŭ, paviedamlaje mspring.online.
Akazałasia, što školnikaŭ sahnali zanadta šmat — kinateatru daviałosia vystaŭlać kresły, kab źmiaścić usich žadajučych.
Pierad pačatkam sieansa ź piacichvilinnaj pramovaj pra rolu armii pierad hledačami vystupiŭ ideołah abłasnoha vajenkamata.
Zadavalnieńnie bačyć novy «šedeŭr» dziaržaŭnaha biełaruskaha kiniematohrafa kaštavała baćkam dziaciej 2 rubli z čałavieka.
