U Minsku prezientujuć kalekcyju adzieńnia, jakoje budzie transfarmavacca razam ź ciełam padčas ciažarnaści i paśla jaje
Novuju kalekcyju pad nazvaj «Mama OM» stvaryła dyzajnierka Kaciaryna Cikota, jakaja raniej užo vypuskała rečy, pryśviečanyja pieryjadu maciarynstva.
Sukienka z kalekcyi Tikota Mama. Fota tikota.com.
Kalekcyja «Mama OM» raspracoŭvałasia sumiesna z ekśpiertami prajekta Mama Pro. Praces padrychtoŭki ŭklučaŭ u siabie prymierki z udziełam ciažarnych žančyn i maci, jakija ŭžo kormiać svaich dziaciej.
Asablivaść novaha adzieńnia ŭ tym, što jano transfarmujecca razam sa źmienami cieła budučaj maci, žyvatom, pamierami hrudziej i hetak dalej.
«Nami ŭličvaŭsia termin ciažarnaści, štotydniovyja źmieny ŭ arhaniźmie žančyny, aktyŭnaść mamy. Adzieńnie dla ciažarnych pavinna być nie tolki zručnym, ale i pryhožym. Heta važny aśpiekt kłopatu pra maci», — padkreślivaje Dyjana Mardas, akušer-hiniekołah, kiraŭnik prajekta Mama Pro.
Ubačyć pakaz na svaje vočy možna budzie 14 krasavika 2018 hoda ŭ 17:00 u ramkach Tydnia mody Biełarusi (BFW). Važna adznačyć, što srodki ad prodažu kvitkoŭ z pakazu buduć nakiravanyja na dabračynnaść: pašyŭ «hniozdaŭ» dla niedanošanych dziaciej sacyjalna-dabračynnaj ustanovaj «Bejbi Story».
Čytajcie taksama: