Ukraina vyprabavała rakietny kompleks «Volcha», śćviardžaje, što jon pieraŭzychodzić rasijski «Śmierč» VIDEA
U Adeskaj vobłaści Ukrainy pačalisia dziaržaŭnyja vyprabavańni rakietnaha kompleksu «Volcha». Pra heta ŭ svaim Facebook paviedamiŭ sakratar Rady nacyjanalnaj biaśpieki i abarony Ukrainy Alaksandr Turčynaŭ.
«Dziakujučy namahańniam usich, chto pracavaŭ nad hetym prajektam, my atrymali mahutnuju rakietnuju zbroju, pa ŭsich pakazčykach lepšuju, čym jaje rasijski anałah» Śmierč»», — havorycca ŭ zajavie Turčynava.
Pavodle jaho śćviardžeńnia, dziaržaŭnyja vyprabavańni «stali finalizacyjaj maštabnaha prajekta ŭkrainskich navukoŭcaŭ, kanstruktaraŭ i rabotnikaŭ vytvorčaści». Turčynaŭ padkreśliŭ, što jany adbuducca ŭ niekalki etapaŭ, padčas jakich usie taktyka-techničnyja charaktarystyki rakiet buduć praviaracca zakazčykam na adpaviednaść zadadzienym paramietram. Jon rastłumačyŭ, što rakiety buduć zapuskacca ŭ poŭnym bajavym načyńni. «Uličvajučy kiravalnaść rakiet, dla kožnaj ź ich buduć vyznačanyja asobnyja mety na roznaj dalokaści», — dadaŭ jon.
Paźniej prezident Ukrainy Piatro Parašenka zajaviŭ ab tym, što Ukraina pačała sieryjny vypusk kompleksu «Volcha».