Łukašenka pavinšavaŭ z 2 krasavika Pucina i jašče šeść čałaviek razam ź Ziuhanavym
Archiŭnaje fota kremlin.ru.
Staršynia Vyšejšaha dziaržaŭnaha savieta Sajuznaj dziaržavy Alaksandr Łukašenka pavinšavaŭ Uładzimira Pucina z Dniom jadnańnia narodaŭ Biełarusi i Rasii.
Pra heta BIEŁTA paviedamili ŭ pres-słužbie biełaruskaha lidera.
«Za hady sumiesnaha budaŭnictva my dasiahnuli značnych vynikaŭ, efiektyŭna vyrašajučy klučavyja zadačy dvuchbakovaha supracoŭnictva. Siońnia Sajuznaja dziaržava źjaŭlajecca prykładam paśpiachovaj intehracyi dla ŭsioj jeŭrazijskaj prastory», - havorycca ŭ vinšavańni.
Razam z tym, adznačyŭ Alaksandr Łukašenka, realii sučasnaści staviać pierad dziaržavami novyja maštabnyja mety. «Pierakanany, što z dapamohaj ŭzhodnienaj stratehii my zmožam ažyćciavić namiečanyja prajekty i praciahniem plonnuju pracu ŭ imia praćvitańnia dźviuch krain», - padkreśliŭ jon.
Łukašenka taksama nakiravaŭ vinšavańni z Dniom jadnańnia staršyni staršyni ŭrada Rasii Dźmitryju Miadźviedzievu, staršyni Savieta Fiederacyi Fiederalnaha schodu Rasii Valancinie Maćvijenka, staršyni Dziarždumy Viačasłavu Vałodzina, Patryjarchu Maskoŭskamu i ŭsiojie Rusi Kiryłu, dziaržaŭnamu sakrataru Sajuznaj dziaržavy Hryhoryju Rapotu, staršyni kampartyi Hienadziu Ziuhanavu.