140 kanhresmienaŭ zapatrabavali ad Trampa novych sankcyj suprać Rasii
AP
Pradstaŭniki demakratyčnaj mienšaści ŭ pałacie pradstaŭnikoŭ kanhresa skłali pietycyju, u jakoj zapatrabavali ad prezidenta Donalda Trampa ŭvieści novyja sankcyi suprać Rasii za ŭmiašalnictva ŭ prezidenckija vybary 2016 hoda, piša The Hill.
Usiaho zvarot da prezidenta padpisali 140 deputataŭ. Jany nahadali, što letam 2017 hoda bolš za 400 deputataŭ nižniaj pałaty ad abiedźviuch partyj pryniali zakon ab supraćdziejańni supiernikam ZŠA šlacham sankcyj (CAATSA). Prezident Donald Tramp padpisaŭ jaho 2 žniŭnia 2017 hoda.
«Vašy dziejańni za apošni hod pakazali, što vy budziecie pastajanna apraŭdvać prezidenta [Uładzimira] Pucina i admaŭlać jaho pryznanaje sadziejničańnie vašaj kampanii ŭ 2016 hodzie», — havorycca ŭ liście.
«Hetymi apošnimi dziejańniami vy ihnarujecie zakon i prerahatyvy raŭnapraŭnaj haliny ŭłady i dajacie zrazumieć Rasii, što ničoha nie zrobicie, kab spynić dadatkovaje ŭmiašalnictva ŭ našy vybary», — zajavili aŭtary pasłańnia.
