Łukašenka: Nam patrebnyja narmalnyja zarobki
Miascovyja orhany ŭłady pavinny asablivuju ŭvahu źviartać na raźvićcio ekanomiki rehijonaŭ. Pra heta Alaksandr Łukašenka zajaviŭ siońnia, uzhadniajučy na pasady novych kiraŭnikoŭ miascovych vykanaŭčych i rasparadčych orhanaŭ.
«Nie budzie vytvorčaści, nie budzie zaniataści ludziej, nie budzie nijakaj zarpłaty. A nam patrebnyja narmalnyja zarobki», — skazaŭ Alaksandr Łukašenka. — Vy dumajcie, jak nie prosta zachavać vytvorčaść, a kab jana była rentabielnaj, kab paźbiehnuć hetych strat. Tamu pasprabujcie abjadnać usio ŭ adziny kułak i atrymać vynik. Ekanomika i jašče raz ekanomika — heta važniejšaje pytańnie».
U prykład jon pryvioŭ situacyju na sielskahaspadarčych pradpryjemstvach. Pavodle jaho słoŭ, mnohija ź ich da hetaha času nie raźvivajucca tak, jak chaciełasia b. Ź inšaha boku, u Biełarusi jość vialikaja kolkaść paśpiachovych vytvorčaściaŭ. «Hety hod vyznačalny, tamu davajcie arhanizujem rabotu tak, pačynajučy z pasiaŭnoj kampanii, kab kožny dzień prybaŭlać», - zapatrabavaŭ kiraŭnik dziaržavy.
Asablivuju ŭvahu Alaksandr Łukašenka źviarnuŭ na rabotu z kadrami, u tym liku i na pryvatnych pradpryjemstvach. «Tak, niachaj jany zajmajucca vytvorčaściu. Vy tolki kantralujcie zarabotnuju płatu, kab jana była tam adpaviednaj, i pravy čałavieka pavinny być zabiaśpiečany: pierš za ŭsio praca, zarpłata, škoła, sacyjalnaja śfiera. Kadravaje pytańnie na terytoryi rajona — heta vaša pytańnie, — padkreśliŭ jon. — Nijakaha pasłableńni za kantrolem kiraŭnikoŭ pradpryjemstvaŭ, jakoj by ułasnasci jany ni naležali - pryvatnaj ci dziaržaŭnaj».
