Statkievič i Afnahiel buduć ładzić šeście na 25 Sakavika
Pradstaŭnik «Jeŭrapiejskaj Biełarusi» Jaŭhien Afnahiel zajaviŭ u fejsbuku, što źbirajecca ŭdzielničać u śviatočnym šeści na Dzień Voli.
«Ułady vymušanyja iści na sastupki pa Dniu Voli i pojduć na ich. Ale dla hetaha patrebnaja ćviordaja i rašučaja pazicyja ŭsich arhanizataraŭ akcyi 25 Sakavika. Palityčny składnik śviatkavańnia #BNR100 — masavaje śviatočnaje šeście pa centralnym praśpiekcie Minska — heta demanstracyja našaj hatoŭnaści baranić niezaležnaść krainy. Pakul što my možam mirnym šlacham pierakanać vorahaŭ Biełarusi, što siudy leźci nia varta. Kali nie prajavim ćviordaść, śviatkavać u chutkim časie nia budzie čaho».
«25 sakavika budzie i śviatočny kancert, i śviatočnaja demanstracyja, — miarkuje jon, — Nichto nie zabaronić kožnamu z nas adznačyć naš Dzień Voli tak, jak my chočam. Rychtujcie ściahi i dobry nastroj!»
Takoj ža pazicyi prytrymlivajecca palityk Mikoła Statkievič i jahonyja prychilniki.
Bolšaść apazicyjnych partyj i ruchaŭ damovilisia pravodzić 25 Sakavika śviatočny kancert kala Opiernaha teatra ŭ Minsku.
