U Rasii vyprabavali małahabarytnuju jadziernuju enierhaŭstanoŭku dla kryłatych rakiet VIDEA
Fota: Jutub Minabarony Rasii
U Rasii zaviaršylisia vyprabavańni małahabarytnaj jadziernaj enierhietyčnaj ustanoŭki, jakaja nie maje anałahaŭ u śviecie, paviedamlaje RIA Naviny sa spasyłkaj na krynicu. Viadoma, što novaje vynachodnictva pryznačana dla ŭstanoŭki na kryłatych rakietach i padvodnych bieśpiłotnych aparatach.
Raniej prezident Rasii Uładzimir Pucin u svaim pasłańni da Fiederalnaha schodu paviedamiŭ pra najnoŭšuju raspracoŭku. Na videa z adznaki 04:01.
Klučavym paramietram novaj rakiety źjaŭlajecca jaje nieabmiežavanaja dalnaść palotu. Vajskova-dypłamatyčnaja krynica paćvierdziła, što hetaja infarmacyja źjaŭlajecca praŭdzivaj i takimi technałohijami vałodaje tolki Rasija.
Taksama krynica vydańnia dadała, što raniej u Maskvie arhanizavali «ŭciečku infarmacyi» pra raspracoŭku rasijskimi inžynierami unikalnych ustanovak nieabmiežavanaha radyusu dalnaści. Heta było nieabchodna dla «sihnału» zachodnim krainam. Metaj arhanizavanaj ŭciečki było padachvočvańnie zachodnich partnioraŭ da abmierkavańnia ŭmoŭ hłabalnaj biaśpieki.
