Na trasie pad Iŭjem sutyknulisia dźvie fury, zabłakavaŭšy ruch
U apošni dzień kalandarnaj zimy, 28 lutaha, na M6 ŭ Iŭjeŭskim rajonie sutyknulisia dva vialikahruzy. Adna fura apynułasia ŭ kiuviecie, a druhaja zastałasia na darozie. Aŭtamabili praktyčna pierakryli ŭsiu prajeznuju častku, tamu ruch byŭ arhanizavany pa niedabudavanaj sustrečnaj pałasie.
Čytačy «AŭtaHrodna» paviedamlali, što niekalki hadzin aŭtamabili prajazdžali heta miesca vielmi pavolna, z chutkaściu 30−40 km/h.
— Potym jašče ź dziasiatak kiłamietraŭ nichto i nie sprabavaŭ nikoha abhaniać, — kaža Jaŭhien, jaki ruchaŭsia ŭ bok Hrodna.
Pamiž furami, jakija sutyknulisia, vielmi akuratna prajechać možna było. Niekatoryja kiroŭcy tak i rabili.
Miarkujuć, adbyłosia spadarožnaje sutyknieńnie vielikahruzaŭ. Viadoma, što ludzi ŭ avaryi nie paciarpieli.
