«Akazaŭ niepadparadkavańnie, chapaŭ za formu». Milicyja nazvała svaju viersiju zatrymańnia apieratara «Biełsata»
Aficyjnaja spravazdača źjaviłasia na sajcie HUUS Minharvykankama.
«Uviečary 18 lutaha na vybarčym učastku № 27 pa vulicy V. Charužaj byŭ zatrymany i dastaŭleny dla dalejšaha razhladu ŭ Centralnaje RUUS h. Minska naziralnik A. Kozieł. Padstavaj dla zatrymańnia pasłužyli zadzirlivyja dziejańni naziralnika i jaho admova vykanać zakonnyja patrabavańni staršyni vybarčaj kamisii pa spynieńni videazdymki padčas padliku vynikaŭ hałasavańnia.
Prava na viadzieńnie videazdymki hramadzianin patłumačyŭ prynaležnaściu da adnaho z zamiežnych ŚMI, jakija nie majuć akredytacyi ŭ Respublicy Biełaruś. Z metaj spynieńnia supraćpraŭnych dziejańniaŭ staršynia kamisii źviarnuŭsia da supracoŭnika milicyi, jakaja ažyćciaŭlała niasieńnie słužby na vybarčym učastku. Pradstaŭnikom pravaachoŭnych orhanaŭ byli dadzieny vyraznyja tłumačeńni hramadzianinu ab parušeńni paradku, jakoje mieła miesca, prapanavana spynić videazdymki i vykanać zakonnyja patrabavańni staršyni vybarčaj kamisii.
A. Kozieł dadzieny zvarot praihnaravaŭ, akazaŭ aktyŭnaje niepadparadkavańnie supracoŭniku milicyi, schapiŭ supracoŭnika za formiennaje abmundziravańnie. Dla spynieńnia supraćpraŭnych dziejańniaŭ u dačynieńni da naziralnika była ŭžytaja fizičnaja siła. Padčas vydvareńnia A. Kozieł nahoj paškodziŭ šybu dźviarej vybarčaha ŭčastka.
Hramadzianin dastaŭleny ŭ centr izalacyi pravaparušalnikaŭ HUUS Minharvykankama, jaho dziejańniam budzie dadziena pravavaja acenka».
Čytajcie taksama: Apieratara «Biełsata» z raźbitaj hałavoj zabrali ŭ RUUS, vinavaciać u napadzie na milicyjantaŭ
