Makron viartaje pryzyŭ u vojska. Ale ŭ novaj formie
Heta było adnym ź jaho pieradvybarnych abiacańniaŭ.
Emanuel Makron patłumačyŭ, što jon chacieŭ by «dać usim maładym ludziam pramy dośvied pracy z armijaj i jaje patrabavańniami». Padčas kampanii budučy prezident Francyi śćviardžaŭ, što heta abudzić u maładych francuzaŭ pačućcio patryjatyzmu i sacyjalnaj salidarnaści.
Płanujecca, što abaviazkovaja vajennaja słužba budzie doŭžycca ad troch da šaści miesiacaŭ. Kali zakon ustupić u siłu, kožny hod ad 600 da 800 tysiač francuzaŭ buduć prachodzić vajskovuju słužbu.
Rašeńnie Emanuela Makrona vyklikała raskoł u francuzskim uradzie, adnak prezident Francyi nie maje namieru admaŭlacca ad svajho pieradvybarčaha abiacańnia. Padrabiaznaja infarmacyja pra rašeńnie budzie pradstaŭlena ŭ krasaviku. Abaviazkovaja vajennaja słužba budzie adnoŭlena z 2019 hoda.
Emanuel Makron — pieršy sučasny prezident Francyi, jaki nie maje vajskovaj padrychtoŭki. Kali jon dasiahnuŭ adpaviednaha ŭzrostu, u Francyi nie było abaviazkovaj vajskovaj słužby.