U Padmaskoŭi naśmierć atrucilisia dvoje biełaruskich budaŭnikoŭ
Rasijskija śledčyja vyśviatlajuć akaličnaści śmierci dvuch biełaruskich rabočych. 12 lutaha ich cieła znajšli ŭ padmaskoŭnaj kvatery, dzie jany pravodzili ramont. Padrabiaznaści paviedamlaje pres-słužba Śledčaha kamiteta Rasii.
Uładalnik doma ŭ Ščołkaŭskim rajonie ŭ Padmaskoŭi naniaŭ dvuch biełarusaŭ, kab tyja vykanali pracy ŭ domie. U adzin ź vizitaŭ dźviery nichto nie adčyniŭ.
Unutry znajšli cieła mužčyn. Pobač na stale — amal pustuju piacilitrovuju butelku z-pad niezamiarzalnaj vadkaści dla aŭto. Padobnuju vadkaść znajšli i ŭ rondali na plicie.
«Padčas ahladu doma śledčymi ŭstanoŭlena, što ahulny paradak nie parušany, ślady baraćby, bojki adsutničajuć, usie kaštoŭnaści i rečy na miescy», - paviedamlaje Upraŭleńnie SK Rasii pa Maskoŭskaj vobłaści.
Papiaredniaj pryčynaj śmierci nazvana atručeńnie nieviadomym rečyvam.