Telekanału «RTR Płanieta» ŭ Litvie pahražaje zabarona na paŭtara hoda
U suviazi z pastajannymi parušeńniami tranślacyi rasijskaha telekanała «RTR-Płanieta» ŭ Litvie mohuć być spynienyja na termin ad adnaho da paŭtara hoda, zajaviŭ staršynia Kamisii Litoŭskaha radyjo i TB Edmundas Vajciakunas, piša Delfi.lt
Rašeńnie budzie vyniesiena ŭ sieradu, ci prymianiać abmiežavańni, ci pryniać inšaje rašeńnie.
Retranślacyja zarehistravanaha ŭ Šviecyi telekanała «RTR- Płanieta» ŭ Litvie za padbuchtorvańnie da vajny i raspalvańnie nianaviści zabaraniałasia ŭžo dvojčy — u 2015 hodzie i ŭ 2016 hodzie. Abodva razy retranślacyja kanała zabaraniałasia na try miesiacy z-za vykazvańniaŭ deputata Dziarždumy Rasii Uładzimira Žyrynoŭskaha ŭ prahramach kanała. Paśla hetych sankcyj kamisija pa-raniejšamu fiksavała parušeńni. Litoŭskija kampanii, jakija zajmajucca tranślacyjaj, u 2015 hodzie taksama abaviazali pieravieści telekanał «RTR-Płanieta» ŭ pakiet płatnych prahram, adnak paśla sihnałaŭ ź Jeŭrakamisii, što heta moža parušać prava Jeŭrasajuza, KŁRTV adklikała heta abmiežavańnie.
