Ukraina pahražaje ŭvieści sancyi suprać Volkswagen i Adidas za pracu ŭ Krymie
Kijeŭ moža ŭvieści sankcyi suprać kampanij Volkswagen i Adidas za ich pracu ŭ Krymie. Pra heta ŭ intervju niamieckaj haziecie Rheinische Post zajaviŭ kiraŭnik MZS Ukrainy Pavieł Klimkin.
«Lubaja sproba abyści sankcyi, uviedzienyja ŭ vyniku aneksii Kryma, pavinna być pakaranaja pa zakonie. My majem šyroki śpiektr pravavych miechanizmaŭ, jakija možam vykarystoŭvać », — skazaŭ jon.
U dadzieny momant Ukraina vyznačajecca ź mierami ŭ adkaz na dziejańni niamieckich kampanij. «My znachodzimsia ŭ pracesie pošuku zbałansavanaha rašeńnia. Pakul nie mahu raskryć detali, pakolki ŭ hetych adnosinach patrabujecca peŭnaja pryvatnaść», — adznačyŭ ministar.
3 studzienia Klimkin na sustrečy z kiraŭnikom MZS Hiermanii Zihmar Habryel zajaviŭ, što niamieckija kampanii, jakija pracujuć u Krymie nasupierak uviedzienym Jeŭrapiejskim sajuzam sankcyj, a taksama pryznajuć paŭvostraŭ rasijskim, buduć adkazvać palityčna i jurydyčna.
