Vice-premjer Žarko: Raźmierkavańnie pavinna być stapracentnym
Namieśnik premjer-ministra Vasil Žarko padčas vynikovaha pasiadžeńnia kalehii Minadukacyi zajaviŭ, što ŭ VNU pavinna być stapracentnaje raźmierkavańnie, paviedamlaje BiełTA.
— Užo ciapier treba pačynać pracu z zakazčykami kadraŭ. U hetym hodzie raźmierkavańnie pavinna być 100% — nijakich svabodnych dypłomaŭ z pryčyny adsutnaści miescaŭ dla pracaŭładkavańnia być nie moža. Kožny kiraŭnik piersanalna adkazvaje za hetuju pracu, — skazaŭ vice-premjer.
Vasil Žarko taksama adznačyŭ, što patrebnaść u kadrach budzie farmavać Minpracy sumiesna ź Minekanomiki i Minadukacyi. Jon adznačyŭ, što da 1 sakavika pavinny być sfarmavanyja kantrolnyja ličby pryjomu.
Taksama vice-premjer daručyŭ da kanca lutaha vypracavać uzhodnienaje rašeńnie pa terminach navučańnia va ŭstanovach prafiesijna-techničnaj, siaredniaj śpiecyjalnaj i vyšejšaj adukacyi niezaležna ad viedamasnaj prynaležnaści i formy ŭłasnaści.
Čytajcie taksama: Vice-premjer Vasil Žarko dabudavaŭ katedž na 500 m2 u zakrytym elitnym pasiołku
