Aktrysa Kupałaŭskaha Valancina Harcujeva źbirajecca zamuž za niamieckaha akciora
U sacyjalnych sietkach źjavilisia sumiesnyja fota viadučaj aktrysy teatra Janki Kupały Valanciny Harcujevaj i niamieckaha akciora Žana-Marka Birkcholca. U teatralnych kołach tut ža zahavaryli: viasielle nie za harami, piša «Narodnaja vola».
Valancina Harcujeva — dačka zasłužanaj artystki Biełarusi, prymy kupałaŭskaha teatra Zoi Biełachvościk i mastackaha kiraŭnika Teatra biełaruskaj dramaturhii Alaksandra Harcujeva. Jana paśpiachovaja aktrysa, šmat zdymajecca ŭ kino, vykonvaje viadučyja roli ŭ teatry. Valancina Harcujeva — Barbara ŭ «Čornaj pani Niaśviža», Hanna ŭ «Ludziach na bałocie», Nina Zarečnaja ŭ «Čajcy». U kupałaŭskim teatry Valancina słužyć 10 hadoŭ, jana zaniataja ŭ 13 śpiektaklach.
Valancina i Žan-Mark paznajomilisia jašče ŭ 2012 hodzie, kali niamiecki akcior zdymaŭsia ŭ Minsku ŭ vajennaj dramie «Śmierć špijonam», ale sustrakacca pačali letam minułaha hoda. Sumiesnaje fota z Žanam-Markam Valancina vystaviła ŭ instahram tolki ŭ śniežni 2017-ha. A niadaŭna, 10 studzienia, źmiaściła jašče adno, supravadziŭšy jaho kranalnymi radkami:
«Nikohda nie zabudu (on był, ili nie był,
Etot viečier): požarom zari
Sožžieno i razdvinuto blednoje niebo,
I na žiołtoj zarie — fonari ❤»
Žan-Mark śpiecyjalna prylacieŭ u Minsk adznačyć z kachanaj svoj 44-y dzień narodzinaŭ. Darečy, usie zdymki Valanciny ŭ instahramie jon paznačaje sercajkami i «zakachanymi» smajlikami.
Pra budučaje viasielle aktrysa kaža tak:
— Usio ŭ pracesie. My vielmi chočam siamju i prykładajem da hetaha ŭsie svaje namahańni. Zajmajemsia dakumientami, ale pakolki žyviom u roznych miescach, to heta zaciahvajecca. Choć Mark kožny miesiac, karystajučysia biaźvizavym ujezdam na 5 dzion, prylataje ŭ Minsk…
— A Kupałaŭski nie zhubić u chutkim časie jašče adnu aktrysu? Śviatłana Zielankoŭskaja źjechała, Hanna Chitryk…
— Pieršy čas my vyrašyli žyć u Minsku. Tamu ja tut.