Biełhidramiet: Cykłon «Frederyk» paŭpłyvaje na nadvorje ŭ Biełarusi niaznačna
«Toje, što «Frederyk» narabiŭ u Jeŭropie, nam nie pahražaje. Cykłon užo hublaje aktyŭnaść, takich składanych umoŭ nadvorja, jakija adznačalisia ŭ jeŭrapiejskich krainach, my ŭ siabie nie čakajem», - padkreślili ŭ Biełhidramiecie.
Pry hetym sinoptyki adznačyli, što paharšeńnie ŭmoŭ nadvorja ŭ suviazi z prychodam «Frederyka» ŭsio ž taki nazirajecca. Nočču pa paŭdniovym zachadzie krainy ŭžo prajšli apadki — śnieh, mokry śnieh, jakija źviazany z atmaśfiernymi frantami hetaha cykłona. «Siońnia ŭ nas na bolšaj častcy terytoryi čakajecca śnieh, mokry śnieh, u paŭdniova-zachodnich rajonach - paryvisty viecier, ale štarmavoje papiaredžańnie my nie abviaščali. Takich intensiŭnych śniehapadaŭ, mocnaha vietru, jak u Jeŭropie, my nie čakajem», - rastłumačyli ŭ Biełhidramiecie.