Viarchoŭnaja Rada pryniała zakon ab reintehracyi Danbasa
Viarchoŭnaja Rada ŭ čaćvier pryniała zakonaprajekt «Ab asablivaściach dziaržaŭnaj palityki pa zabieśpiačeńni dziaržaŭnaha suvierenitetu Ukrainy nad časova akupavanymi terytoryjami ŭ Danieckaj i Łuhanskaj abłaściach».
U preambule zakona deputaty vyznačajuć, što «Rasijskaja Fiederacyja ździajśniaje złačynstva ahresii suprać Ukrainy i ažyćciaŭlaje časovuju akupacyju častki jaje terytoryi z dapamohaj uzbrojenych farmiravańniaŭ Rasijskaj Fiederacyi».
Pry hetym u preambule vyznačajecca, što data pačatku akupacyi častki Ukrainy, u pryvatnaści Kryma i Sievastopala, vyznačajecca zakonam «Ab zabieśpiačeńni pravoŭ i svabod hramadzian i pravavy režym na časova akupavanaj terytoryi Ukrainy». Pavodle hetaha zakona, dataj pačatku časovaj akupacyi źjaŭlajecca 20 lutaha 2014 hoda.
Zakonam ab reintehracyi Danbasa vyznačajucca asablivaści dziaržaŭnaj palityki pa zabieśpiačeńni dziaržaŭnaha suvierenitetu Ukrainy na časova akupavanych terytoryjach Danbasa.
Praduhledžana, što miežy i pieralik rajonaŭ, haradoŭ, pasiołkaŭ i viosak, častak ich terytoryj časova akupavanych ŭ Danieckaj i Łuhanskaj abłaściach vyznačajucca prezidentam pa pradstaŭleńni Ministerstva abarony Ukrainy, padrychtavanym na asnovie prapanoŭ Hienieralnaha štaba Uzbrojenych sił Ukrainy.
