«Satisfaction»: u Rasii kursanty-lotčyki źniali iranična-eratyčny klip. Imi zaniałasia prakuratura
Kursanty Uljanaŭskaha instytuta hramadzianskaj avijacyi (Rasija) źniali žartaŭlivaje videa ŭ siabie ŭ internacie. Heta była svajho rodu kopija anałahičnaha rolika anhlijskich kursantaŭ, parodyi na tupavaty videaklip Benny Benassi — Satisfaction.
Rasijskija kursanty taksama pakazali svoj pobyt — adzietyja ŭ adny trusy i furažki. Svoj rolik jany nazvali «Jak zabaŭlajucca piłoty pamiž palotami».
Adnak videa vyklikała rezkuju reakcyju ŭładaŭ. «Rasavijacyja» i prakuratura arhanizavali pravierku ŭ suviazi z publikacyjaj rolika. Apošni fakt spryčyniŭ krytyku navat z boku Pieršaha kanała rasijskaha telebačańnia. Akazałasia, u prakuratury nie viedali, što kursanty ściabalisia ź inšaha rolika ŭ internecie, i abvinavacili kursantaŭ u prapahandzie homaseksualizmu.
U adkaz na sajcie change.org idzie zbor podpisaŭ u padtrymku kursantaŭ: «Za biaskryŭdnuju parodyju nie pavinny adličvać!» — havorycca ŭ pietycyi.
Voś raniejšaja parodyja anhlijskich vajskovych kursantaŭ:
A heta toj aryhinalny rolik Benny Benassi «Satisfaction», jaki vyklikaŭ parodyi: