Zaŭtra ŭ muziejach Minska dazvolać lehalna «zapilić» sełfi z ekspanatami
17 studzienia ŭ Nacyjanalnym mastackim muziei i muziei Azhura projdzie Mižnarodny dzień muziejnaha sełfi. Jašče ŭ 2014 hodzie internet-karystalnikam prapanavali zładzić svojeasablivy fłešmob, vykłaŭšy ŭ sacsietku svaje fatahrafii na fonie muziejnych ekspanataŭ. U 2018 hodzie sełfi — heta ŭžo novy aśvietnicki farmat, jaki pryciahvaje ŭ muziej novuju aŭdytoryju.
U Nacyjanalnym mastackim muziei padrychtavali interaktyŭnyja fotozony, kvest pa ekspazicyi, a taksama muzyčnuju džazavuju prahramu (jana pačniecca a 19-j). 17 studzienia Mastacki rasčynić svaje dźviery ŭ 13.00 i budzie prymać haściej da 21:00. Muziejniki zaklikajuć dzialicca zdymkami z chešteham # MuseumSelfie2018 #artmuseumby, ale nahadvajuć: usio ekspanaty pavinny zastacca cełymi i niekranutymi!
U hetym hodzie ŭ muziei-majsterni Zaira Azhura akcyja da Mižnarodnaha dnia muziejnaha sełfi pravodzicca ŭ ramkach śpiecprajekta «Majstar i čas», pryśviečanaha 110-hodździu z dnia naradžeńnia skulptara. Umova takaja ž: pakidajcie ŭ sacyjalnych sietkach sełfi z chešteham #MuseumSelfie, #MuseumSelfie2018 i #azgurmuseum. Adzinaja prośba: pry fatahrafavańni sa skulpturaj adklučyć uspyšku. Uvachod volny.