ZVR Biełarusi za hod vyraśli amal na 50%
Mižnarodnyja reziervovyja aktyvy Respubliki Biełaruś na 1 studzienia 2018 hoda, pa papiarednich źviestkach, skłali 7 315,3 młn. dalaraŭ ZŠA (u ekvivalencie), paviedamlaje pres-słužba nbrb.by.
Za śniežań 2017 hoda zołatavalutnyja reziervy źnizilisia na 98,4 młn. dołaraŭ ZŠA (na 1,3 pracenta) paśla rostu ŭ listapadzie 2017 hoda na 18,4 młn. dołaraŭ ZŠA (na 0,2 pracenta).
Strymalny ŭpłyŭ na dynamiku mižnarodnych reziervovych aktyvaŭ u śniežni akazała płanavaje pahašeńnie ŭradam i Nacyjanalnym bankam Respubliki Biełaruś źniešnich i ŭnutranych abaviazacielstvaŭ u zamiežnaj valucie na sumu kala 501 młn. dołaraŭ ZŠA.
Padtrymańniu ŭzroŭniu zołatavalutnych reziervaŭ u śniežni spryjali pastupleńnie srodkaŭ ad prodažu Nacyjanalnym bankam i Ministerstvam finansaŭ ablihacyj, naminiravanych u zamiežnaj valucie, pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty. Stanoŭčy ŭpłyŭ na ŭzrovień reziervaŭ taksama akazała pavieličeńnie koštu manietarnaha zołata.
Asnoŭnymi napramkami hrašova-kredytnaj palityki na 2017 hod byŭ praduhledžany rost zołatavalutnych reziervaŭ u vyznačeńni SSRD MVF nie mienš čym na 500 młn. dołaraŭ ZŠA.
U cełym pa vynikach 2017 hoda pryrost reziervaŭ skłaŭ 2 388 młn. dołaraŭ ZŠA (48,5 pracenta).
Asnoŭnymi faktarami rostu ŭzroŭniu zołatavalutnych reziervaŭ u 2017 hodzie stali pryciahnieńnie srodkaŭ ad prodažu Nacyjanalnym bankam i Ministerstvam finansaŭ Respubliki Biełaruś ablihacyj, naminiravanych u zamiežnaj valucie, pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty, kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža», pastupleńnie tranšaŭ finansavaha kredytu Jeŭrazijskaha fondu stabilizacyi i raźvićcia, pastupleńnie srodkaŭ kredytu Urada Rasijskaj Fiederacyi, a taksama pavieličeńnie koštu manietarnaha zołata.