Ministr Raŭkoŭ pabyvaŭ na pryniaćci prysiahi ŭ Piečach
Bolš za 2,4 tys. navabrancaŭ pryniali prysiahu ŭ navučalnym centry ŭ Barysavie, pieradaje BIEŁTA.
Na ŭračystym rytuale pryniaćcia prysiahi ŭ 72-m abjadnanym vučebnym centry padrychtoŭki praparščykaŭ i małodšych śpiecyjalistaŭ u Piečach pad Barysavam prysutničaŭ ministr abarony Biełarusi Andrej Raŭkoŭ.
Archiŭnaje fota.
Pierad prysiahaj ŭ navučalnym centry pradstaŭniki Minabarony i kamandziry padraździaleńniaŭ centra praviali sustrečy z rodnymi i blizkimi navabrancaŭ. Baćki vajennasłužačych zmahli aznajomicca z umovami pobytu i pražyvańnia, arhanizacyjaj charčavańnia i z uzorami vajennaj formy adzieńnia, a taksama atrymać adkazy na ŭsie ich pytańni.
Jak paviedamiŭ niadaŭna ministr abarony Andrej Raŭkoŭ, paśla hibieli sałdata Alaksandra Koržyča ŭ Piečach pačata realizacyja mier kadravaha, techničnaha, arhanizacyjnaha charaktaru ŭ dačynieńni da vajskovaj častki 72-ha abjadnanaha vučebnaha centra.
Paśla zakančeńnia ŭračystaha mierapryjemstva vajskoŭcy novaha papaŭnieńnia adpravilisia ŭ pieršaje ŭ ich vajennym žyćci zvalnieńnie.
Słovy prysiahi siońnia pramaŭlajuć bolš za 7,5 tys. pryzvanych na terminovuju vajennuju słužbu maładych ludziej i bolš za 1,5 tys. pryzvanych na słužbu ŭ reziervie.
