Łukašenka: Niama nijakaj pryčyny saromiecca za minułaje čekistaŭ
U hetym pierakanany Alaksandr Łukašenka, jaki vystupaŭ na ŭračystym mierapryjemstvie z nahody 100-hodździa orhanaŭ dziaržbiaśpieki.
«Čym hłybiej vyvučaješ historyju, tym bolš pierakonvaješsia ŭ tym, što jaje niemahčyma padzialić na čornaje i biełaje, dać adnaznačnyja adkazy na ŭsie pytańni. Vam, nam za minułaje našych śpiecsłužb, čekistaŭ saromiecca niama čaho. Niama nijakaj pryčyny. — zajaviŭ Łukašenka. — My nie žyli ŭ toj čas, nie viedali i ciapier nie adčuvajem nierv tych časoŭ. A hańbić historyju lohka i prosta. Ale treba pamiatać, što historyja vielmi mocna płacić za jaje skažeńnie. Naša armija, našy Uzbrojenyja siły, našy śpiecsłužby va ŭsie pieryjady našaj historyi z hodnaściu vykonvali svoj abaviazak, jany byli addanyja prysiazie, dyscyplinie i paradku. Nie było b ich — nie było b krainy i nie było b nas pry ŭsich našych pamyłkach».