Šunievič pakazaŭ chakiejnyja kluški, zroblenyja źniavolenymi. Łukašenka daŭ ukazańni, jak ich udaskanalić
Alaksandr Łukašenka siońnia, prymajučy z dakładam staršyniu naziralnaj rady CHK «Dynama-Minsk», ministra ŭnutranych spraŭ Ihara Šunieviča, aznajomiŭsia z uzorami chakiejnych klušak ajčynnaj vytvorčaści, piša BiełTA.
Kluški byli zroblenyja na bazie kryminalna-vykanaŭčaj sistemy MUS. Praktyčna ŭsie padobnyja ŭstanovy, adznačyŭ Ihar Šunievič, vałodajuć nieabchodnymi vytvorčymi bazami. «Adna z klušak draŭlanaja z łakalizacyjaj 100%, druhaja — płastykavaja z łakalizacyjaj paradku 50%, — raskazaŭ ministr».
Košt draŭlanaj kluški składzie kala 36 rubloŭ.
Ministr dadaŭ, što kiraŭnik dziaržavy, acaniŭšy jakaść chakiejnych snaradaŭ, daŭ daručeńnie trochi udaskanalić ich. U pryvatnaści, na dumku Łukašenki, nieabchodna pamienšyć šyryniu piara kluški z dreva.
