Google abiacaje źnizić kolkaść rasijskaj prapahandy ŭ navinach
Eryk Šmidt, vykanaŭčy dyrektar chołdynhu Alphabet, u skład jakoj uvachodzić Google, raspavioŭ, što kampanija šukaje sposab źnizić u Google News raspaŭsiud infarmacyi z sajtaŭ z «rasijskaj prapahandaj». Pra heta piša Motherboard.
Eric Schmidt
Šmidt rastłumačyŭ, što havorka idzie pra navinavyja partały RT (Russia Today) i Sputnik, pry hetym jon adznačyŭ, što Google nie źbirajecca błakavać hetyja resursy.
Taksama kiraŭnik Alphabet adznačyŭ, što pry hetym Google vystupaje suprać cenzury.
Google News — servis, jaki zajmajecca zboram navinaŭ z prastory interneta na tyja temy, jakija cikavyja kankretnamu karystalniku. Servis dastupny ŭ jakaści mabilnych dadatkaŭ, a taksama praz adpaviedny veb-sajt.
Nahadajem, niadaŭna telekanał RT byŭ zarehistravany ŭ ZŠA ŭ jakaści zamiežnaha ahienta. Amierykanskija śpiecsłužby ličać, što rasiejskija ŭłady vykarystoŭvali RT dla ŭmiašańnia ŭ chod prezidenckich vybaraŭ u ZŠA.
