Mastaka Ivana Viarbickaha znoŭ buduć sudzić za «złosnaje niepadparadkavańnie administracyi kałonii»
Ivan — mastak z Halšanaŭ, maje dźvie vyšejšyja adukacyi. Palitviaźnia pryznali vinavatym adrazu pa niekalkich kryminalnych artykułach i asudzili da 8 hadoŭ i adnaho miesiaca kałonii, piša «Viasna».
Ivan Viarbicki. Fota: rh.by
Viadoma, što ŭ papraŭčaj kałonii na źniavolenaha halšanca akazvaŭsia cisk: dva miesiacy Ivana ŭtrymlivali ŭ ŠIZA i PKT. U vieraśni 2021 palitviaźniu ŭzmacnili pakarańnie i etapavali ŭ mahiloŭskuju turmu №4. U 2022 hodzie jaho asudzili pa č. 1 art. 411 KK (złosnaje niepadparadkavańnie patrabavańniam administracyi kałonii). Spravu razhladała sudździa Taćciana Kaściuk. Vynik suda pakul nieviadomy.
8 maja ŭ Barysavie Ivana znoŭ buduć sudzić pavodle č. 2 art. 411 KK. Spravu budzie razhladać sudździa Ludmiła Zinkievič. Ivanu mohuć dadać jašče dva hady źniavoleńnia.
Padtrymać Ivana: PK № 14. 222125, Minskaja vobł., Barysaŭski rajon, s. n. p. Navasady, Viarbickamu Ivanu Francaviču
Čytajcie taksama:
Hłybockaha bodzibiłdara Šarabajku znoŭ buduć sudzić
Inžyniera z «Minskenierha» prysudzili da 9 hadoŭ kałonii pa spravie ČKB
Stała viadoma, z-za čyjho danosu apynułasia za kratami 75-hadovaja babrujčanka
