Cupolnaje sełfi mis Irak i mis Izrail na konkursie pryhažości vyklikała buru ŭ sacsietkach FOTAFAKT
Na konkursie pryhažości Miss Universe-2017, jaki prachodzić u Łas-Viehasie, šmatlikija ŭdzielnicy rabili sumiesnyja sełfi dla svaich instahram-akaŭntaŭ. Ale anivodnaje ź ich nie moža paraŭnacca pa rezanansie z sełfi, zroblenym mis Izraila i Iraka, paviedamlaje BBC.
Reakcyja sacsietak była vielmi burnaj i nieadnaznačnaj. I kali fota, raźmieščanaje karalevaj pryhažości Izraila, za karotki čas sabrała kala 3000 łajkaŭ, to na radzimie mis Iraka i ŭ inšych arabskich krainach hetaje sełfi było ŭspryniataje ŭ štyki.
Mis Izrail Adar Handielsman i mis Irak Sara Idan
Adnym z samych miakkich vodhukaŭ byŭ tvit prafiesara Asada Abuchalila, jaki žyvie ŭ ZŠA: «Karaleva pryhažości Iraka ščaśliva paziruje z karalevaj pryhažości akupacyi i žorstkaści». Inšyja arabskija vodhuki byli našmat kateharyčniejšymi.
U svaju čarhu śpikier premjer-ministra Izraila Afir Hiendlman napisaŭ: «Mis Irak raźmiaściła hetaje fota ŭ svaim instahramie. Jakoje vialikaje pasłańnie nadziei dla ŭsiaho rehijonu. Pośpiechaŭ vam abiedźvium — i Sary, i Adar».
A karystalnik pad nikam Armond napisaŭ: «Mir pačynajecca ź ludziej».
