Karol Fielipe VI: Katałonija była i budzie nieadjemnaj častkaj Ispanii XXI stahodździa
Reuters.com
Pra heta karol Fielipe VI zajaviŭ padčas cyrymonii ŭznaharodžańnia ŭ piatnicu łaŭreataŭ premii pryncesy Asturyjskaj, paviedamlaje La Vanguardia
«Ispanija pavinna supraćstajać nieprymalnaj sproby adździaleńnia adnoj častki ad nacyjanalnaj terytoryi», — adznačyŭ manarch na cyrymonii ŭ horadzie Aŭjeda (Asturyja)»
Karol vykazaŭ upeŭnienaść u tym, što Madryd urehuluje prablemu z dapamohaj «svaich zakonnych demakratyčnych instytutaŭ, vykonvajučy kanstytucyju i pavažajučy kaštoŭnaści i pryncypy parłamienckaj demakratyi».
«My pieražyvali i dzialili pośpiechi i niaŭdačy, pieramohi i parazy, jakija nas jadnali ŭ radaściach i pakutach» — adznačyŭ manarch. Pavodle jaho słoŭ, nivodny prajekt «nie moža być stvorany na asnovie razbureńnia demakratyčnaha suisnavańnia».
1 kastryčnika ŭ Katałonii prajšoŭ refierendum. U im uziali ŭdzieł 43% tych, chto mieŭ prava hołasu, pry hetym 90% udzielnikaŭ plebiscytu vykazalisia za niezaležnaść.
Madryd nazvaŭ hety refierendum nielehitymnym. Kiraŭnik Katałonii Karles Pučdemon zaklikaŭ da dyjałohu, a 10 kastryčnika padpisaŭ Dekłaracyju ab niezaležnaści, ale adkłaŭ jaje pryniaćcie na niekalki tydniaŭ.
Premjer Ispanii Marjana Rachoj, u svaju čarhu, zajaviŭ, što Madryd 21 kastryčnika zapuskaje praceduru 155-ha artykuła kanstytucyi, što dazvalaje značna abmiežavać samakiravańnie Katałonii. U adkaz Pučdemon papiaredziŭ, što Barsiełona moža abviaścić niezaležnaść.
