Z arnamientam i nie tolki. Pakazali varyjanty paradnaj formy da Alimpijady-2018
Alaksandr Łukašenka aznajomiŭsia siońnia z prapanavanymi kancepcyjami paradnaj formy dla biełaruskaj delehacyi da zimovych Alimpijskich hulniaŭ, jakija projduć u lutym 2018 hoda ŭ Pchiončchanie (Respublika Kareja).
Kiraŭnika dziaržavy prapanavali kalekcyi, raspracavanyja dvuma biełaruskimi dyzajnierami. Ludmiła Łabkova sumiesna z kancernam «Biellehpram» stvaryła paradnuju formu ŭ styli casual. U joj daminuje śvietła-šeryja tony, elehantnaść padkreślivajuć čyrvonyja aksesuary i detali.
Julija Łatuškina, u adzieńni jakoj biełaruskija alimpijcy vystupali ŭ Rya, razam sa šviejnym atelje pry Hałoŭnym haspadarčym upraŭleńni Kiraŭnictva spravami Prezidenta vyrašyła apranuć spartsmienaŭ ŭ bolš strohim, ale nie mienš aryhinalnym styli.
Charakterna, što abodva dyzajniery pastaralisia raskryć biełaruskija tradycyi, šyroka vykarystaŭšy pry stvareńni adzieńnia nacyjanalnyja matyvy.
Za asnovu alimpijskaj paradnaj formy dla biełaruskaj delehacyi vyrašana ŭziać varyjant, prapanavany Ludmiłaj Łabkovaj. Pry hetym pa daručeńni Alaksandra Łukašenki ŭsie pradstaŭlenyja kalekcyi buduć atšyty i pastaŭleny dla nastupnaha prodažu ŭ najbujniejšyja univiermahi krainy.