AMAP šturmavaŭ kancert u Minsku paśla ananimnaha zvanka pra raspaŭsiud narkotykaŭ
14 kastryčnika milicyja ŭvarvałasia na kancert čatyroch kalektyvaŭ z Rasiei i Biełarusi pad nazvaj Minsk Edge Day 2017.
«Tut try busy ź ludźmi ŭ maskach. Usich hledačoŭ pastavili «na raściažku», mocna ŭsich bili», — paviedamlaŭ «Biełsat». Paźniej kala 30 čałaviek advieźli ŭ adździaleńnie milicyi.
Fota Iryny Arachoŭskaj
16 kastryčnika staličnaja milicyja rastłumačyła, što adbyłosia na kancercie.
«14 kastryčnika na śpiecliniju 102 kala 17 hadzin patelefanavaŭ nieviadomy i paviedamiŭ, što na zakrytym kancercie ŭ adnym z damoŭ pa vulicy Čapajeva adbyvajecca raspaŭsiudžvańnie narkatyčnych rečyvaŭ i tam znachodziacca niepaŭnaletnija asoby, — paviedamili ŭ staličnym HUUS. — U suviazi z mahčymym znachodžańniem na kancercie vialikaj kolkaści hramadzian byli zadziejničanyja supracoŭniki Partyzanskaha RUUS Minska i AMAP HUUS Minharvykankama. Pa prybyćci milicyjantaŭ kancert byŭ spynieny, častka prysutnych była dastaŭlena ŭ Partyzanskaje RUUS. Paśla vyśviatleńnia asobaŭ jany byli adpuščanyja.
U Partyzanskim RUUS zarehistravany materyjał pravierki, pravodzicca raźbiralnictva».
