Łukašenka raspavioŭ, jakim jon bačyć idealny parłamient
Parłamienty Biełarusi i Azierbajdžana mohuć unieści značny ŭkład u raźvićcio dvuchbakovych adnosin. Pra heta Alaksandr Łukašenka zajaviŭ 13 kastryčnika na sustrečy sa staršynioj Mili Miedžlisa (parłamienta) Azierbajdžana Aktajem Asadavym, piša BiełTA
Kiraŭnik dziaržavy zaŭvažyŭ, što na svaim dośviedzie dobra viedaje, što takoje «deputacki chleb». «I ja viedaju mahčymaści parłamientaŭ. Tak, šmat chto kaža, što ŭ Azierbajdžanie i ŭ Biełarusi parłamienty nie hrajuć takuju rolu, jak dzieści na Zachadzie. Kryj boža. U parłamienta — zakanadaŭčaj haliny ŭłady — jość svaje funkcyi i abaviazacielstvy. Heta vyšejšy zakanatvorčy orhan. Jany pavinny pisać i, pa-narodnamu kažučy, stvarać zakony, pa jakich žyvie hramadstva. i vyrašać inšyja prablemy zhodna z Kanstytucyjaj», — padkreśliŭ kiraŭnik krainy.
«Dumaju, što parłamienty mohuć u našy adnosiny pryŭnieści značny ŭkład. Ja, naprykład, vielmi prysłuchoŭvajusia da taho, što kažuć kiraŭniki parłamienta, parłamientaryi.
Viedaju, Ilcham (prezident Azierbajdžana Ilcham Alijeŭ) naohuł u hetym płanie absalutna demakratyčny čałaviek.
Kali niešta karysnaje (jon adukavany čałaviek, intelihientny), jon zaŭsiody prysłuchoŭvajecca da hetaha, - adznačyŭ Alaksandr Łukašenka. — Prosta treba heta rabić spakojna (zajmacca parłamienckaj dziejnaściu). Biez bojek u parłamiencie, biez usialakich demanstracyjaŭ, jakimi adprečvajuć ludzi i ŭ nas, i ŭ vas. My to dakładna.
Ja pamiataju i strajki byli ŭ parłamiencie, i jašče niešta. Ale parłamient nie dla hetaha».
«U nas svoj šlach, i našy mety vyznačany, i roli halin ułady taksama vyznačanyja — i sudovaj, i zakanadaŭčaj, i vykanaŭčaj. I ŭ vas, i ŭ nas prezidenty źjaŭlajucca kaardynatarami dziejańniaŭ hetych halinaŭ ułady», — skazaŭ biełaruski kiraŭnik.
