Aciapleńnie ŭ kvaterach Minska ŭklučać tolki na nastupnym tydni
U Minsku aciapleńnie ŭ žyłym siektary pačnuć uklučać u pačatku nastupnaha tydnia.
Pra heta, jak paviedamlaje BiełTA, paviedamiŭ siońnia načalnik Minskaha haradskoha ŭpraŭleńnia pa nahladzie za racyjanalnym vykarystańniem paliŭna-enierhietyčnych resursaŭ Ihar Tur na pasiadžeńni rabočaj hrupy pa pytańniach ŭtrymańnia i dobraŭparadkavańnia terytoryi stalicy.
«Pavodle isnujučych praviłaŭ padrychtoŭki da asieńnie-zimovaha pieryjadu, padača aciapleńnia ŭ žyllovy fond pačynajecca pry ŭmovie, kali siaredniaja tempieratura vonkavaha pavietra na praciahu piaci dzion nie pieravyšaje 8 hradusaŭ. Miarkujecca, što ŭžo z paniadziełka-aŭtorka pačniecca aciapleńnie žyłoha siektara stalicy», — skazaŭ Tur.
Jon rastłumačyŭ, što ŭ metach pravilnaha ŭklučeńnia sistem, niedapuščeńnia hidraŭdaraŭ i zryvu cyrkulacyi ciepłanośbita nieabchodna padklučać aciapleńnie płanamierna, z pastupovaj napracoŭkaj sietkavaj vady. Poŭnaje ŭklučeńnie aciapleńnia ŭ žyłfondzie Minska adbyvajecca na praciahu piaci dzion. Padklučeńnie taho ci inšaha doma zaležyć u tym liku ad jaho addalenaści ad ciepłakrynic.
U aŭtorak u Minsku pačali davać ciapło ŭ dziciačyja sady, škoły i balnicy.