Ad 2330 da 3890 rubloŭ: jakija ceny na novyja ajfony prapanujuć biełaruskija kramy?
12 vieraśnia kampanija Apple pradstaviła śvietu adrazu try novyja smartfony: iPhone 8, jaho pavialičanuju viersiju iPhone 8 Plus, a taksama amal biazramačny iPhone X. Ceny na hetyja pryłady ŭ Biełarusi pa tradycyi vyšejšyja za tyja, što abviaščaŭ pradstaŭnik kampanii padčas prezientacyi. Ale nakolki vyšejšyja? Zaścierahajem adrazu: vy budziecie mocna ździŭlenyja.
iPhone 8
iPhone 8 i iPhone 8 Plus
Na amierykanskim sajcie Apple hety smartfon ŭ samaj tannaj kamplektacyi z abjomam pamiaci 64 Hb kaštuje $699 (kala 1360 rubloŭ). Biełaruskija ž katałohi pakazvajuć nievierahodnuju raźbiežku cen: ad 1950 da 3190 rubloŭ! Ale heta jašče nie samaje dziŭnaje. Ruchajemsia dalej.
iPhone 8 Plus
Ceny na hety hadžet z toj ža pamiaćciu 64 Hb u Amierycy pačynajucca ad $799 (kala 1550 rubloŭ). Raźbiežka biełaruskich cen na iPhone 8 Plus takaja: samyja ščodryja pradaŭcy prapanujuć kupić jaho za 2330 rubloŭ, a samaja darahaja prapanova — 3890 rubloŭ ($2000).
Takim čynam, pa samym vysokim košcie hetaha smartfona ŭ Biełarusi ŭ ZŠA možna kupić dva takich, i jašče zastanucca hrošy na iPhone SE ($349), jaki Apple prezientavała letaś, a taksama na šmat roznych aksiesuaraŭ.
iPhone X
Hety smartfon, prezientavany kampanijaj jak niešta zusim nievierahodnaje, šakuje navat svaim amierykanskim koštam ($999 biez uliku padatku). Prodažy iPhone X jašče nie pačalisia, ale ŭžo stała viadoma, što samyja vialikija aficyjnyja ceny buduć u Rasii. Strašna navat ujavić, kolki buduć prasić za jaho biełaruskija pierakupščyki. Ale varta ŭzhadać, što mienavita popyt vyklikaje prapanovu…
Suśvietnyja ceny na iPhone X (z ulikam PDV): ad $1018 u Japonii da $1390 u Rasii.
