Prezident Rumynii admianiŭ vizit va Ukrainu
Prezident Rumynii Kłaŭs Jochanis admianiŭ vizit va Ukrainu z-za pryniaćcia ŭ Kijevie novaha zakona ab adukacyi, pavodle jakoha z 2020 hoda navučańnie ŭ krainie stanie całkam ukrainskamoŭnym.
Pra heta paviedamlaje rbc.ru sa spasyłkaj na Agerpres
Jak adznačyŭ Jochanis, pry ustupleńni ŭ siłu zakon «rezka abmiažuje dostup mienšaściaŭ da adukacyi na ich rodnaj movie». «Tamu, daviedaŭšysia pra hety zakon, ja admianiŭ svoj vizit va Ukrainu, ja taksama admianiŭ pryjom staršyni parłamienta, sustreča była pryznačanaja na kaniec vieraśnia», — patłumačyŭ prezident Rumynii.
U toj ža čas Jochanis adznačyŭ, što Ukraina zastajecca partnioram Rumynii. «Ja spadziajusia, što nam udasca znajści padychod, jaki dazvalaje rumynam va Ukrainie, u kančatkovym rachunku, praciahnuć svaju adukacyju na rumynskaj movie», - skazaŭ na zakančeńnie Jochanis.
U ramkach vizitu kiraŭnik Rumynii razam z prezidentam Piatrom Parašenkam pavinien byŭ naviedać rajony kampaktnaha pražyvańnia rumyn u Bukaviny. Usiaho va Ukrainie pražyvajuć bolš za 150 tys. rumyn. Jany skancentravany ŭ asnoŭnym u Čarnavickaj i Zakarpackaj abłaściach krainy.
Raniej paviedamlałasia, što Vienhryja ŭ pačatku vieraśnia raskrytykavała pryniaty 5 vieraśnia ukrainskim parłamientam zakon ab adukacyi. Asudzili zakon taksama Polšča, Rumynija i Małdova.
Pavodle novaha zakona, z 2020 hoda adukacyja va Ukrainie stanie całkam ukrainskamoŭnaj. Nacmienšaści zmohuć atrymlivać adukacyju na rodnaj movie ŭ daškolnym i ŭ siehmiencie małodšaj škoły.
