U Ivanavie pjanyja školniki na mapiedzie ŭciakali ad DAI i ŭrezalisia ŭ płot
Incydent z udziełam niepaŭnaletnich adbyŭsia 9 vieraśnia, paviedamili ŭ UDAI UUS Bresckaha abłvykankama.
Supracoŭniki adździaleńnia DAI Ivanaŭskaha RAUS dziažuryli na vulicy 50 hadoŭ Kastryčnika, ich uvahu kala paŭnočy pryciahnuŭ mapied Fada FD 50 QT, kiroŭca i pasažyr byli biez šlemaŭ.
«Uklučyŭšy majački, supracoŭniki DAI pajechali za parušalnikami. Ale pahonia doŭžyłasia niadoŭha: pry levym pavarocie kiroŭca mapieda nie spraviŭsia z kiravańniem i ŭrezaŭsia ŭ płot, — raspaviali ŭ DAI. — Kiravaŭ mapiedam 16-hadovy miascovy žychar — navučeniec 11-ha kłasa. Jaho stan vyklikaŭ padazreńnie ŭ inśpiektaraŭ DAI. Miedycynski ahlad pakazaŭ 0,5 pramile ałkaholu ŭ kryvi. U takim ža stanie znachodziŭsia i jaho siabar — dzieviacikłaśnik».
U dačynieńni da kiroŭcy składziena piać pratakołaŭ.
