Ukrainiec, jaki źnik u Biełarusi, znajšoŭsia ŭ SIZA Krasnadara
Ukrainiec Pavieł Hryb — invalid ź dziacinstva i pry hetym nacyjanalny aktyvist.
Źnikły 24 žniŭnia ŭ Biełarusi 19-hadovy hramadzianin Ukrainy Pavieł Hryb znachodzicca ŭ śledčym izalatary horada Krasnadar (Rasija). Jaho abvinavačvajuć u padrychtoŭcy terarystyčnych aktaŭ. Pra heta paviedamiŭ ukrainskim ŚMI načalnik upraŭleńnia konsulskaha zabieśpiačeńnia MZS Ukrainy.
Supracoŭnik Dziaržaŭnaj pamiežnaj słužby Ukrainy Ihar Hryb 27 žniŭnia paviedamiŭ ab źniknieńni svajho syna, 19-hadovaha Paŭła. Jon vykazaŭ zdahadku, što rasijskija śpiecsłužby z dapamohaj 17-hadovaj dziaŭčyny vyciahnuli jahonaha syna ŭ Homiel i tam zatrymali.
Biełaruskija pamiežniki paćvierdzili fakt pierasiačeńnia 19-hadovym ukraincam Paŭłam Hrybam dziaržaŭnaj miažy 24 žniŭnia. U toj ža čas biełaruski KDB zajaviŭ, što nijakich supolnych z FSB apieracyj pa Hrybu nie pravodziłasia.
Ukrainskaja prakuratura zaviała spravu ŭ suviazi sa źniknieńniem chłopca.
7 vieraśnia pres-sakratar biełaruskaha Ministerstva zamiežnych spraŭ paviedamiŭ, što pa zajavie baćki Paŭła Hryba paśla praviadzieńnia pravierki moža być pryniataje abo nie pryniataje rašeńnie ab adkryćci kryminalnaj spravy i ŭ Biełarusi.
