Stvaralniki Linux zabaranili vykarystoŭvać jaje ŭ Krymie
«Zahružajučy PZ (prahramnaje zabieśpiačeńnie) Fedora, vy paćviardžajecie, što ŭśviedamlajecie nastupnaje: PZ Fedora i techničnaja infarmacyja mohuć rehulavacca Praviłami ekspartnaha rehulavańnia ZŠA i inšymi zakonami ZŠA i inšych krain i nie mohuć pastaŭlacca i pieradavacca ŭ zabaronienyja ZŠA krainy i dziaržavy, jakija traplajuć pad sankcyi (na dadzieny momant da ich naležać Kuba, Iran, Paŭnočnaja Kareja, Sudan, Siryja i Krymski rehijon Ukrainy)», — havorycca na sajcie prajekta ŭ karystalnickim pahadnieńni.
Rašeńnie Fedora Project zabaranić vykarystańnie AS ŭ Krymie stvoryć składanaści raspracoŭščykam, jakija vykarystoŭvajuć Fedora ŭ jakaści hałoŭnaj apieracyjnaj sistemy pry vytvorčaści ŭłasnych praduktaŭ. Heta moža pryvieści da vialikich strataŭ dla cełych kampanij, a taksama vymusić ich karystacca pirackimi viersijami (jak by śmiešna heta ni hučała ŭ dačynieńni da volnaha i biaspłatnaha prahramnaha zabieśpiačeńnia).
U papiaredniaj viersii ekspartnaha pahadnieńnia, jakoje abnaŭlałasia ažno ŭ listapadzie 2015 hoda, Krym nie ŭvachodziŭ u lik krain, kudy byli zabaronienyja pastaŭki AS Fedora Linux.
Isnuje šmat viersij apieracyjnych sistem, zasnavanych na Linux. Fedora źjaviłasia ŭ listapadzie 2003 hoda i stała adnym z najbolš papularnych dystrybutyvaŭ Linux naroŭni z Ubuntu, Debian, Knoppix, SUSE i inšymi. Fedora ujaŭlaje saboj prahramnaje zabieśpiačeńnie z adkrytym zychodnym kodam. Heta aznačaje, što luby karystalnik moža spampavać z sajta Fedora Project apieracyjnuju sistemu Fedorai vykarystoŭvać jaje pa svaim mierkavańni. Tym nie mienš, na volnaje prahramnaje zabieśpiačeńnie i soft z adkrytym zychodnym kodam ŭsio ž niaredka raspaŭsiudžvajucca dziejańni «svabodnych» i «adkrytych» licenzij, jakija ŭsio ž dazvalajuć ŭstaloŭvać minimalnyja patrabavańni da jaho vykarystańnia.
